السؤال موجّه لأصحاب هاشتاق أختانا يا برهان: من أنتم؟ وماذا تمثّلون للشعب السوداني وللسودان؟ لا شيء.
البرهان الشعب السوداني معاه، داعم ليه ومسانده، ولا يريد غيره. هو قائد الجيش ورئيس مجلس السيادة، وممثّل البلد المعترف به. البرهان موجود بإرادة شعبه، وما محتاج إذن من العملاء والخونة.
وبعد كل ما فعلتوه في الشعب والبلد، لسه تتحدثوا باسمه؟ صاحب الحق في الكلام وتحديد من يمثّله هو الشعب السوداني، والشعب واقف مع البرهان، وليس معكم. مهما تفعلوا، حتفشلوا زي ما فشلت كل مؤامراتكم السابقة.
نحن صابرين ومتماسكين، والطابور الخامس والمتعاونون الموجودون داخل البلد يجب التصدّي لمحاولاتهم الإضرار بالسودان. بعد ما فشلوا في الميدان وفشلت مؤامراتهم الخارجية، عاوزين يستغلوا الظروف الصعبة التي فرضتها الحرب، وكانوا سبباً فيها، للنيل من الشعب وإرادته.
لكنهم ما عارفين إن الشعب واقف مع جيشه، صابر ومحتسب، ومقدّر للتضحيات وداعم ليها. وأي محاولة لزعزعة الأمن والاستقرار حتلقى رفضًا وردًّا من الشعب نفسه.
أختونا أنتم، وافهموا إنكم ما بتمثّلونا، وليس لكم مكانة وسط الشعب. في السودان جيش واحد وشعب واحد. كلنا البرهان، وهو يمثّلنا، أما أنتم فلا تمثّلون السودان ولا شعبه.